KALIBO, AKLAN—Nag-abot sa probinsya it Aklan ku adlaw it Sabado do 1,700 family food packs halin sa Department of Social Welfare and Development Office (DSWD) 6.
Do nasambit nga mga ayuda hay igapanupod sa mga residenteng eubos nga naapektuhan matapos nga ipaidaeom do probinsya sa Modified Enhanced Community Quarantine (MECQ).
Suno sa pamunuan it DSWD 6, may kadugangang 1,000 food packs nga igapadaea makarun nga domingo sa Aklan kung siin igapaubaya sa mga local government units (LGUs) do pagtumod sa mga pamilyang mataw-an it ayuda
Samtang, base sa datos nga ginpaguwa it DSWD 6 as of August 1, 2021, nagaabot eon sa 36,327 family food packs ukon katumbas it P15, 448, 400.00 do naitao sa probinsya it Aklan halin nga nag-umpisa do COVID-19 pandemic. // SHERRY ANNE REUNIR-VIDAL