Hagbong karon sa kamot sa mga kapulisan sa lungsod sa Trento ang usa ka gituuhang tigpayuhot ug human nga madakpan sa gipahigayong buy bust operation nga gihimo sa Regional Police ngadto kaniya adtong milabayng adlaw sa may Purok 1, Brgy Cuevas, Trento, Agusan del Sur.
Ang dinakpan giila nga si Jerry Almanza Fabay, 50-anyos , minyo , driver ug residente sa maong lugar. Gikonsiderar kini nga HVI 1-PUSHER, REGIONAL PRIORITY TARGET covered under COPLAN BEACH.
Sa maong operasyon nakompiska kaniya ang lima ka (5) heat sealed transparent plastic sachet nga gituuhang shabu nga adunay gi bug-aton nga 1 gramo nga mubalor sa Six Thousand Eight Hundred Pesos (Php 6,800.00), upat (4) kabuok nga crumpled aluminum foil ug usa (1) pc one thousand peso (Php1000.00) bill isip buy bust money.
Sa pagkakaron himas rehas ang nahisgutan alang sa pag atubang sa kaso nga gipasaka batok kaniya.
