GIKUMPIRMA ni Nol Valela ang labaw sa PhilHealth Gensan nga ginahulat pa nila ang circular nga ipagawas sa kaulohan may kalabotan sa pagdugang sa ultrasound ug mammogram sa ilang Konsulta benefit package.
Segon sa opisyal nga aprobahan palang sa board ang kamanduan ni Health Secretary Ted Herbosa ayha ipagawas ang circular sa ahensya.
Giangkon sa opisyal nga sama sa aprobado na ang pagdugang sa serbisyo human nga ang nagmando ang mismong Chairman of the Board sa PhilHealth.
Nasayran nga ang PhilHealth konsulta package ang gipalapdan nga benepisyo sa nag-unang pag-amuma gikan sa Philhealth alang sa tanan nga mga Pilipino. I Danny Casi