Mangayo og permiso gikan sa Department of Health (DOH) ang lokal nga panggamhanan ning syudad sa Davao sa target nga pagbakuna sa mga estudyante nag-edad 12-17 anyos nga naka-enroll sa lima ka eskwelahan nga apil sa gisugyot nga pilot face-to-face classes.
Ang maong lakang resulta matud pa sa nahitabong panagpulong sa Covid-19 Task Force human girekomenda sa vaccination cluster.
Ang mga estudyante nga duna ug walay comorbidities nga nalakip sa maong age bracket gikan sa lima ka tulunghaan ang tagaan og prayoridad sa vaccination.
Kahibaluang ang lima ka eskwelahan nga girekomena alang sa face-to-face classes kadtong dunay gamay ang risgo savirus nga gilangkuban sa Dalagdag National High School with Senior High sa Barangay Dalagdag; G. Tajo National High School with Senior High sa Barangay Lampianao; Saloy National High School with Senior High sa Barangay Saloy; Mabuhay Elementary School /Victor Bernal Integrated School with Kindergarten sa Barangay Mabuhay; ug Gumitan Elementary School with Kindergarten sa Barangay Gumitan.
Una nang gihingusgan ni Mayor Sara Duterte-Carpio nga kadto lamang fully-vaccinated teaching ug non-teaching personnel ang tugutang mo-report sa naasoy nga pilot schools.
Sumala kang Dr. Michelle Schlosser, pinasikad sa Advisory No. 89 sa National Covid-19 Task Force Vaccination Operations Center, gihatag ang giya alang sa pagbakuna sa mga Public ug Private School Teaching and Non-Teaching Personnel sa mga Educational Institutions isip pagpangandam sa re-opening sa limited face-to-face classes sa mga magtutungha ilabina sa mga basic education institutions.BNFM-DAVAO
