MIDUSO og report ang Business Permit and Licensing Division kun BPLD sa opisina ni Mayor Ronnel Rivera kalabot ang pagpatuman sa mga health protocols nga nalatid sa mga Executive Orders ug ubang kamanduan sa IATF.
Segun ni Zamora, labaw sa City Permit Division nga nagpahigayon sila og monitoring kung gisunod sa mga establismento ang pagpatuman sa Enhanced Quarantine Pass asa pipila ang nagatuman apan daghan ang wala.
Sa mga mall, ang Robinsons mall ang gasunod sa EQP ug sa market schedule.
Ang uban nga gasulod sa mga establismento ug malls ang nagakanayun nga nawala ang ilang EQP ug ang uban ang gapamugos mao nga ang guardya ang wala usay mahimo.
Ang maong mga obserbasyon ang ipadangat ni Zamora sa mayor aron mahimuan og lakang.
Samtang sa mga restaurant, gibutyag ni Zamora ang dine in sa indoor ang natuman pa tungod bag-o pa sa pagpatuman subay sa EO nga 30 percent sa capacity sa lugar.