Wala na kapugong sa iyang kaugalingon ug gikwestyon ni Island Garden City of Samal (Igacos) Mayor Al David Uy ang Department of Public Works and Highways (DPWH) mahitungod sa pagkalangan sa pagsugod sa Davao-Samal bridge.
Kini human hapit nalang matapos ang unang bulan sa ika-duhang semester karong 2021 apan walapay kasikas nga gihimo ang ahensya bisan sa ground-breaking ceremony man lang sa proyekto.
Matud sa opisyal nga basin mahiuna pa siya sa proyekto ug katibway ayha pa masugdan sanglit walay update nga gihatag.
Partikular nga gipangutanan sa Mayor si DPWH Undersecretary Emil Sadain nga unang nagkanayon sa milabay’ng Setyembre sa miaging 2020 nag sa unang kwarter masugdan ang proyekto nga gilaraw humanon sulod sa lima ka tuig. Bulan sa Enero karong tuiga lamang nagpirmahay ang DPWH ug China Road and Bridge Corp. nga dunay katas-on nga 3.98 kilometer nga gipondohan og P19.32B. BNFM-Davao
