Padayon pa karon nga gi-obserbahan sa mga doktor ang kahimtang sa estudyante human nabanggaan og PUJ kagahapon sa buntag saKm5 Buhangin Rd ning syudad atbang sa Burger King restaurant ug Koppel Bldg.
Sa inisyal nga imbestigasyon sa Bajada Police Station, gisubay sa PUJ nga gimaneho sa usa ka Sabino JR Lemente Curambao, driver nga taga- Maglana spring Village Buhangin ang nasangpit nga dalan ug padulong sa Dacudao Fly Over.
Sa dihang niabot kini sa crossing pedestrian, wala makabantay ang driver sa PUJ og kalit na lamang niini nabanggaan ang estudyante sa Lamb of God Special Education Academy Of Buhangin Inc. nga nailang si Cloud Djoanielle M. Hernandez, 14, ug residente sa Beryl Street, Block 41, lot 29, Phase 2, Deca Esperenza Tigatto.
Gumikan sa impact, nakaangkon kini og injury sa toong bahin sa iyang abaga nga karon padayon pang nagpaalim sa MDMRCI Hospital.