“IMPOSIBLE gyud mahitabo ang GenSan dream kay dili man ako ang mayor sa Gensan.”
Kini ang gipamulong sa Ama ng Brigada Elmer V. Catulpos kabahin sa nahimong kisaw sa iyang gi-share nga GenSan dream sa social media.
Ang Gensan dream ni Catulpos nagpakita sa video sa mga tag-as nga building, maanindot nga mga talan-awon, ug modernong kalambuan sa syudad.
“Apan dili imposibleng makab-ot ug matuman kini kung ako ang mayor sa Gensan,” sumala niini.
Nganong GenSan Dream? Kini ang pamaagi ni Catulpos nga makabayad sa siyudad nga naghatag kaniya ug sa iyang pamilya sa blessings ug dakong oportunidad nga mausab ang dagan sa kinabuhi.
Subo lang nga nagpabilin ang siyudad nga walay dakong kalamboan tungod na usab kini sa mga mga nagdugay na sa gahum apan wala bisan usa ka damgo alang sa syudad ug sa katawhan.
Ang GenSan alang kang Catulpos maoy atong pinuy-anan, atong bahandi ug atong garbo ug dakong utang kabubut-on matud pa niini tungod dinhi nakaangkon og kasinatian, midamgo hangtud nga milambo ang kinabuhi ug gusto niining maampingan ang syudad.
Pangandoy sa Ama ng Brigada nga matuman ang maong damgo alang sa mga katawhan nga dugay na gustong makasinati og kaharuhay sa kinabuhi. Dili matud pa imposible ang tanang damgo basta tanan magtinabangay.