TAKDANG ipatuman sa kapulisan sa GenSan ang ‘zoning’ sa area of responsibility dungan sa serye sa kamatay nga natala. Matud ni PLt. Clarizel Perez, tigpamaba sa GenSan City Police Office (GSCPO) tungaon sa tulo ka ang areas sa siyudad.
Ang tulo ka areas ang pangulohan sa deputy city director for operation, deputy city director for administration ug force commander sa City Mobile Force Battalion (CMFC).
Tumong niini ang matutukan ang mga lugar asa sagad nahitabo ang pagpamusil ug kini ang mahimoan og lakang. Giangkon ni Perez nga misaka na sa 41 ang insidente sa pagpamusil gikan Enero hangtud karong bulan sa Agosto.
Apan misaka na sa 22 ang naresolba ug karon padayon ang gihimong imbestigasyon sa mga kaso. Dugang ni Perez ang lakang ang aron ma-maximize ang kusog sa GSCPO nga naa lang 944 ka personahe tandi sa halos 800,000 populasyon. Rason kini sa subli silang miapela sa publiko nga makigtinabangay kanila aron malikayan ang pagkahitabo sa nagkadaiyang krimen.