Ilang araw na lang bago ang labor day, nanawagan ang National Wage Coalition kay Pangulong Ferdinand Marcos Jr. na i-certify as urgent ang legislated wage increase.
Ayon sa grupo, mahigit apat na milyong Pilipinong minimum wage earner ang nagtatrabaho ng marangal pero nananatiling mahirap.
Anila, matagal ng dapat itinaas ang sahod ng mga mangagawa dahil kulang ang kasalukuyang minimum wage.
Panahon na raw para magschedule na ng hearing ang kamara para agarang maipasa ang legislated wage hike dahil na rin sa araw araw na pagtaas ng presyo ng bilihin.
Sa katunayan, ang 150 pesos na dagdag sahod ay katumbas na ng 3 kilong bigas at mapapakain na ang pamilya ng bawat manggagawa.
Nanawagan din ang grupo na hindi lang dapat pribadong sektor ang taasan ng sahod kundi pati na rin ang sa pampublikong sektor.