Pinangunahan ni Pangulong Ferdinand Marcos Jr. ang inagurasyon ng Healthway Care Center Hospital sa Taguig City.
Ang naturang pagamutan ang kauna-unahang health institution na nakatutok lamang sa pasyenta na may sakit na cancer mula sa screening, diagnosis, treatment hanggang post-cancer care.
Ayon kay Pangulong Marcos, ang sakit na cancer ay pangatlong killer disease sa bansa kaya’t malaking bagay ang pagkakaroon ng check-up sa nasabing ospital para agad na maagapan sa oras na magkaroon ng kanser.
Bukod dito, ibinida naman ng Pangulo ang Philhealth Konsulta na nagbibigay ng libreng diagnostic examinations at laboratory tests sa maagang pagtukoy sa nasabing sakit.