VIRAL karon sa social media ang nahimong content sa usa ka Gensan vlogger kung asa makita nga natabunan na og mga basura ang usa sa 44 ka mga Japanese bunker nahimutang sa usa ka pribadong luna sa Barangay San Isidro.
Personal nga gi-duaw sa News team ang nag viral nga bunker ug didto among nasuta nga hinlo na ang lugar. Ang Japanese bunker ang kahibaloang nahimong Japanese World War II Defense structure panahon nga gisakop sa mga Hapones ang nasud Pilipinas ug base sa balaud nga gimugna sa Gensan tumong niining ma-atiman ug ma-preserved ang mga Japanese bunker nga makit-an sa Barangay San Isidro, Bula, Conel ug Labangal. Sumala ni Barangay San Isidro Committee on Tourism chairperson Kag. Juliet Cunanan nga may mga plano na ang Barangay council nga hinayhinay i-develop ang 3 ka mga Japanese bunker sa ilang barangay. Dungan niini nanawagan usab ang nasampit nga opisyal sa mga residente nga likayang maglabay og mga basura sa mga Japanese bunker mahitungod makosindera kining local treasure sa Gensan.
Usa sa mga bunker sa Gensan makit-an sa luna nga gipanag-iya sa Pamilyang Rivas ang abli usab alang sa mga gustong magpakuha og hulagway. Kahinumdumang tuig 2021 sa dihang mibisita sa Gensan ang Japanese Consul General nga si Yoshiaki Miwa aron sutaon ang nahisgutang Japanese World War II Defense structure ug nagbutyag nga mao kini ang magpalig-on sa relasyon sa Pilipinas ug Japan ug pagpakusog sa socio economic development. I MJ Fernandez