“MALA prohibita,” ang gihimo ni Kagawad Jose Edmar Yumang nga pagliban sa regular session aron motambong sa hearing sa korte sa iyang kliyente isip abogado.
Gihingusgan pa ni Atty. Franklin Gacal Jr. nga kung adunay emergency o importanteng adtuan dungan sa session, kini ang i-manifest sa open session ug dili mahimong ihunghong ug kinahanglan may kalabutan sa official function.
Sa gihimong pag-absent ni Yumang asa gidepensahan ang kaugalingon tungod nananghid kini kang presiding officer sa Sangguniang Panlungsod nga si Vice Mayor Tonton Acharon, nga wala usab gi-acknowledge sa bise mayor.
Gipahimangnuan ni Gacal si Yumang nga kalapasan sa local government code ang gihimo tungod bisan kon mag-practice kini sa iyang profession dili kinahanglang atol sa session.
Aminado si Yumang supak ang nahimo apan giangkon nga iyaha kadtong nahimo tungod kinahanglang makagawas ang iyang kliyente.
Hinuon nagpasidaan usab si Gacal nga ugaling sublion pa kini ni Yumang, posibleng may moduso na og kaso batok sa nahisgutan.
Miliban sa session si Yumang atol sa deliberasyon sa proposed budget sa syudad alang sa sunod tuig.