Nasunog ug paspasn nga mikatap ang grabeng ulbo nga kalayo nga nahitabo kagahapong adlawa bandang alas 5:00 kapin sa hapon Enero 26, 2024 didto sa E Luna St. Barangay Sikatuna, Butuan City.
Nasayran nga ang nasunog nga dakbalay mao ang karaang Dy Teban Hardware and Auto Supply nga gipanag-iyan sa pamilyang Dy. Base sa pagpanubay sa mga personahe sa Bureau of Fire Protection nga mokabat sa ₱2M kapin ang damyos sa maong sunog.
Miabot matud pa kini sa 4th alarm tungod sa grabeng ulbo sa kalayo gumikan sa mga butang nga anaa sa sulod sa maong hardware nga sama sa mga ligid, pintal ug plastic nga daling gilamoy sa kalayo.
Gibana-bana usab nga muabot sa 12 ka mga fire trucks ang miresponde aron mapalong gilayon ang nagdilaab nga kalayo. Samtang alas 7:25 na sa gabii nakontrola ang sunog ug alas 11:28 sa gabii gideklara sa BFP nga fire out.
-END-