Padayon ang pagpahimutang ug pagtabang sa LGU-Cagwait, Surigao del Sur sa mga nakalas ug angol sa dugoong aksidente nga natigayon ning milabayng adlaw sa P-2, Brgy. De Oro, Butuan City.
Kahinumduman nga kagahapong adlawa sa dihang nalambigit ang kolor-puti nga Hi-ace Grandia van sa aksidente human nga nahulog kini sa pangpang nga bahin nga dunay gilagmong 50-ka tiil ug mipadulong pa sa suba nga bahin gumikan sa kadanlog sa maong dalan.
Sa pakighinabi kang Nerissa Trugillo-Plaza, Information Officer sa Cagwait-LGU nga padulong unta sa dakbayan sa Butuan ang mga empleyado sa Cagwait-LGU arun magkuha ug dokumento sama sa NBI Clearance, PSA Clearance ug Neuro Examination para sa regularisasyon sa ilang trabaho apan pag-abot sa nahitabuan,nahagbong kini sa pangpang nga dunay sakay nga 12 ka mga personahe.
Naka-angkon ug samad,bali ug uban pang injuries ang mga nahisgutan ug dali guilayong girespondehan sa Butuan CDRRMO arun dalhun sa kadaiyang balay-tambalanan.
Duha ang dead-on-the spot samtang ang duha namatay sa balay-tambalanan gumikan sa seryosong mga injuries sa kalawasan samtang ang uban naka-confine sa managlahing balay-tambalanan.
Sa kasamtangan, aduna pay duha nga anaa sa kritikal nga kondisyon samtang ang upat ka mga gihikabsan sa hinulamang kinabuhi ang anaa na karun gipahimutang sa Cagwait, Surigao del Sur. Ang nakabatun ug minor injuries ang pabilin pa guihapon sa mga balay-tambalanan para sa dugang obserbasyon.
Gipasalig sa kadumalahan sa LGU-Cagwait, Surigao del Sur pinaagi ni Mayor Lilian Yu-Lozada nga sa kasamtangan padayon ang ilang tabang sa mga naaksidente ug gani dali dayong nagdeploy ug mga sakyanan para mutabang sa pagtransport sa mga angol ug namatay.Padayon pang nihimo ug malawumon nga imbestigasyon ang kapulisan kung human error o gumikan sa kadanlog sa dalan ang hinungdan sa maong insidente.
