Nagbangutan karon ang pamilya sa usa ka Ginang nga napalgan na lang walay kinabuhi human siya gianod sa baha sa Brgy. Soong DIgos City alas 7 sa gabii sa miaging Byernes, Oktubre 1, 2021.
Subay sa report gikan sa Digos City Disaster Risk Reduction and Management Office (CDRRMO), giila ang biktima nga Roselyn Artobado, residente sa lugar.
Sumala pa, Biyernes sa gabie misakay ang biktima sa motorsiklo nga gimaneho sa iyang bana dihang naabtan sila og baha sa culvert bridge sa Purok Manga, Brgy Soong.
Nakalingkawas ang bana, apan ang biktima ug ang motorsiklo gianod sa kusog nga bul-og sa tubig baha ug Sabado na sa buntag nakita ang lawas sa biktima atol sa gihimong search and rescue operation.
Kahibaluang ang Davao Region apektado karon sa Low Pressure Area inubanan sa Intertropical Convergence Zone o I.T.C.Z. subay sa weather bureau. BNFM-DAVAO
