NANAWAGAN si Mayor Lorelie Pacquiao sa konseho nga aprubahan na ang Tricycle Franchising Guidelines ug nagahangyo nga dili ipaagi sa politika ang hukom sa balaudnon.
Human sa regular nga Flag raising ceremony sa Oval Gymnasium gihimo ni Mayor Pacquiao ang panawagan ug hangyo ngadto sa mga taga Sangguniang Panlungsod.
Ang rason ni Pacquiao nga ang Guidelines alang kini sa siyam ka libo nga Tricycle Drivers ug Operators nga with Franchise sa syudad ug dili alang sa taga laing lugar, kon dili mahatagan og prangkisa apektado ang ilang panginabuhian.
Gikumperma usab ni Konsehal Dominador Lagare Jr. nga sa Hulyo 5 ang gitakda nga Committee En Banc ug andam na siya niini,wala daw kabag-uhan sa iyang giduso nga balaudnon.
Sa bahin sa labaw sa komitiba sa pamalaud sa konseho nga si Konsehal Atty. Kan Balleque gisulti niini nga kon walay kabag-uhan sa giduso ni Lagare dili ug dili kini ma aprubahan gumikan sa Equal Protection Clause sa balaud, dapat daw walay mapaburan sa bag-ong Guidelines sa prangkisa. I Ver Diazon