Sisiyasatin na ng National Bureau of Investigation (NBI) ang deepfake audio ni Pangulong Bongbong Marcos kung saan maririnig na ipinag-uutos nito sa Armed Forces of the Philippines (AFP) na gumawa ng aksyon laban sa China.
Ito ay kasunod ng direktiba ng Department of Justice hinggil sa audio content na ginamitan ng boses ng Pangulo.
Ayon kay Justice Secretary Jesus Crispin C. Remulla, kailangang mapapanagot ang mga taong nasa likod ng deepfake audio.
Dahil dito, dapat aniyang mapabilis at maging komprehensibo ang imbestigasyon para matunton na nang tuluyan ang katotohanan.