POSIBLENG mopadulong sa pagkahugmak sa New People’s Army (NPA) ang pagkamatay sa operasyon ilang tag-as nga lider. Matud ni Noel Legaspi alyas “Ka Efren,” kanhi tigpamaba sa NPA’s Far South Mindanao Regional Revolutionary Committee. Dako og kawad-on sa kalihokan ang pagkamatay ni Menardo Villanueva alyas Bok/Gipo atol sa operasyon sa kasundalohan atong Enero 05. Si Villanueva, ang ikatulong labaw sa Communist Party of the Philippines (CPP) hierarchy.
Sunod si Villanueva ni Jose Maria “Joma” Sison ug sunod ni Benito Tiamzon ug misis nga Wilma Austria-Tiamzon. Kini usab ang labing dugay nga nagserbisyo isip secretary Communist Party of the Philippines (CPP) Southern Mindanao Regional Committee (SMRC). Sa pagkamatay ni Villanueva ug Jorge Madlos alyas “Ka Oris” sa engkwentro atong Oktubre sa Bukidnon.
Nakita sumala pa niini nga ang upat ka dekada nga mass base nga midependa ug miprotekta sa NPA. Mao usab kini ang mass base nga mitabang karon sa gobyerno aron mapukan matud pa ang maong grupo. Gawas pa kini sa gatusan sumala pa ka mga sakop sa grupo nga una nang nadakpan ug misurender.
Hinungdan nga nanawagan si Legaspi sa ubang miyembro sa grupo nga mobalik na sa sabakan sa gobyerno. Kasamtangan sa Soccsksargen region, gikan sa napulo ka unit sa guerrilla fronts tulo na lang matud pa ang nagpabiling aktibo. I Richel Gubalani