GIDALI ang pag-amenda sa environmental code sa probinsiya sa South Cotabato, kini ang panglantaw sa simbahang katolika sa lugar. Kini ang gibutyag ni Diocese of Marbel, Bishop Cirilo Casicas sa press conference sa Koronadal City, Lunes sa hapon.
Matud ni Casicas, nagtuo silang moagi pa sa daghang public consultation ang giduso nga pagtangal sa ban sa open pit-mining. Apan nakurat na lang sila dihang napasar ang amendments niini Lunes sa buntag atol sa session sa Sangguniang Panlalawigan. “Ang amendment allows all forms of mining, including open- pit and the future of the province was decided in less than 15 minutes. Dili noon sumala pa malikayan nga mokwestyon ang tao kung kinsa ang makabenepisyo sa gihimong lakang sa konseho.
Nagtuo si Casicas nga masundan pa ang duha ka public consulation atong Pebrero apan gihulat lang nga mahuman ang eleksyon bag-o hilum nga gipasar ang resolusyon unod ang amendments. Tungod niini, miapela si Casicas ug Diocese nga paminawon ni Governor Reynaldo Tamayo ang katawhan ug i-veto ang desisyon sa konseho.
Sa bahin ni Atty. Bien Noel, labaw sa Marist hope center nga ‘last resort’ na paghimo og petisyon batok sa lifting sa ban sa open pit-mining. I Richel Gubalani