Makabubueo ru pagdeklara it persona non grata nanday Aklan Vice Governor Reynaldo Quimpo ag SP Aklan sa 4 ka mga Kongresista sa Camarines Sur.
Raya ru pagpahayag ni Camarines Sur 2nd District Congressman Luis Raymund F. Villafuerte sa interview it BRIGADA News FM Kalibo.
Suno sa kongresista, kun kontra sanday Aklan Vice Governor Reynaldo Quimpo ag SP Aklan sa gin proponer it 4 nga mga Kongresista sa BIDA BILL hay konta nagpadaea eamang it sueat kun ham-an it sanda hay naga kontra.
Ru concern eamang it anang mga kaibahan sa kongreso hay agud mabuligan ru mga Aklanon ag ma develop ru Boracay.
Indi konta sigun ea-inon ru objective dahil naga pati imaw nga ru Boracay hay sangka national treasure ag bukon eamang sigun it taga-Aklan ru naga mahae kundi bilog nga mga Pilipino.
Sa makaron, may kapin sa sobra 200 eon nga mga kongresista ru nag perma sa anang gin author nga BIDA BILL.
Aminado si Congressman Luis Raymund F. Villafuerte nga mataas ru pagrespeto kay Aklan Congressman Teodorico Haresco rason nga matapos maghinyo kana nga i-withdraw ru gin dihon nga bill rason nga uwa imaw nag duha-duha nga i-withdraw.
Nasubo eamang sigun ru kongresista nga matapos mai-withdraw ru anang gin gin author nga bill hay gin deklara it persona non grata.
Dugang pa ni Villafuerte, ru Bicolano hay maka Diyos ag maka tawo pero kun gin unahan sanda hay maga laban sanda ag gina respeto gihapon nana ru decision it Sangguniang Panlalawigan sa pagdekalra it persona non grata.//MARIVIC Y. ILIN