Hindi isinasantabi ng isang mambabatas ang posibilidad na maaring ipasa sa mga consumers ang pasanin na dulot ng panukalang buwis na ipapatupad sa mga digital services at single-use plastic.
Ayon kay Ako Probinsyano Party-list Rep. Alfred delos, responsibilidad ito ng mga kinabibilangang kompaniya, pero lagi umano nilang tinitingnan ang competitive side ng negosyo.
Mababatid na inaprubahan na ng House of Representatives sa ikatlo at huling pagbasa ang House Bill 4122 na naglalayung ipatupad ang 12% value-added tax sa nonresident digital service providers, gaya ng Spotify at Netflix.
Aprubado narin ang House Bill 4102 na nagmumungkahing gawing P100 ang excise tax sa kada kilo ng single-use plastic bags.
Paliwanag ni Delos Santos, na sa pamamagitan nito, lalakas ang competitiveness ng local digital service providers, at matatanggal na ang pag-gamit ng single-use plastic bags, sa halip ay maisusulong ang eco-bags sa bansa. //MHEL PACIA