Gipaniguro sa Internal Affairs Service sa Philippine National Police sa Cagayan de Oro nga dili nila ipalabay ang pag-imbestigar sa mga pulis nga malambigit sa pagpang-dagmal sa kababayen-an.
Pamahayag kini CIAS Investigator and Prosecutor Police Chief Master Sergeant Christian Roben Acibar homan sa nag-viral nga pagpangulata ug pagpani-on sa usa ka pulis ngadto sa iyang kaipon sa Kidapawan.
Sigun niini nga dunay susama nga mga insidente nga gakahitabo dinhe sa syudad apan wala na miabot sa punto nga mi-viral kini sa social media.
Tungod niini, gipakusgan karon sa PNP ang pagpatuman sa SWIM program o Squad Weekly Interactive Meeting, ingon man ang counseling sa mga pulis aron ipahinumdom kanila ang responsibilidad sa ilang pamilya.
Gihimo kini nga lakang aron ma-protektahan ang imahe sa kinatibuk-an nga organisasyon sa PNP.