NAGPULONG na ang kapulisan ug Philippine Drug Enforcement Agency (Pdea) sa rehiyon-12. Aron hisgotan ang gipirmahan nga ‘unified guidelines’ atol sa drug operations batok iligal nga droga.
Dungan sa nahitabong ‘misencounter’ tali sa kapulisan ug mga personahe sa ahensiya sa kaulohan pipila ka bulan ang milabay. Matud ni Kath Abad, tigpamaba sa Pdea-12 gipangulohan ni Pdea-12 Regional director Naravy Duquitan ang pulong.
Gibutyag sa usa sa probisyon nga bugtong PNP Drug Enforcement Group (PDEG) ug Drug Enforcement Units (DEUs) sa regional, district, provincial, city, municipal ug police stations. Ang gitugotang makapahigayon og anti-illegal drug operations nga dunay koordinasyon sa PDEA.
Dili sumala pa tugotan ang ubang operating units nga mopahigayon og anti-drug operations hangtud dili sila makig-alayon sa concern City Drug Enforcement nga mangulo sa koordinasyon sa PDEA.
Ipatuman usab ang ‘one jurisdiction, one operation’ policy sa mga operasyon. Samtang ang pakyas motuman sa ‘guidelines’ ang posibleng mag-atubang og kasong criminal ug administratibo. ( Richel Gubalani)