LEGAZPI CITY – Pinunan na kasuudma an tulong aldaw na seminar kan Legazpi City Disaster Risk Reduction and Management Office (CDRRMO) o manungod sa Project Pag-Andam Para sa Legazpeños.
Inatendiran ini kan mga opisyales kan 70 mga barangay sa syudad asin tinukar an mga early warning systems, hazard exposure and response capability kan mga barangay asin an warning system by hazard kan syudad.
Sa intrevista kan Brigada News FM Legazpi kay Engr. Miladee N. Azur kan CDRRMO, sinabi kaini na necessary asin critical an pag-atendir digdi kan mga opisyales de barangay para sa pagpautob kan early warning systems and anticipatory actions kan syudad.
Dugang pa ni Azur, lalaoman ninda na mapasa ki Barangay Disaster Risk Reduction and Management (DRRM) Planning asin Barangay Youth Disaster Risk Reduction and Management (DRRM) Planning an mga opisyales sa laog nin saro hasta duwang bulan makalihis an seminar. | Brigada Intern EUGENE ROTIAN