KABANKALAN CITY, Negros Occidental, Philippines — Gina-panawagan sang mga progresibo kag rights groups ang Armed Forces of the Philippines (AFP) nga untaton ang gina-patigayon sini nga gina-alegar pag-pambomba sa mga kaumhan kag komunidad sa pungsod Pilipinas.
Suno kay Beverly Longid, national convenor sang Katribu Kalipunan ng Katutubong Mamamayan ng Pilipinas, ang pag-patigayon sang indiscriminate firings sang mga militar sa mga kaumhan ang naga-pakita sang tuman nga pwersa, sa diin naga-tuga sang kakugmat kag pag-evacuate sang mga pumuluyo.
“These bombings, which have been described by locals as overkill, are not only a gross violation of human rights but also a reckless display of force,” pahayag ni Longid.
(Ang ini nga mga pang-bomba ang gina-laragway sang mga nitibo bilang “overkill” ukon masobra nga pagpatay, Indi lamang dako nga biolasyon sa kinamatarong kundi nagakahulugan sang tuman nga pag pakita sang pwersa.)
Pahayag ni Longid, dapat untaton sang AFP ang gina-alegar nga harassment kag airstrikes sa mga kaumhan, sa diiin linibo ka mga pumuluyo ang gaka-pwera nga mga evacuate, magbiya sang ila mga pangabuy-an, kag ang nagatulod sa pag-suspeder sang pipila ka mga klase.
Sa piyak nga bahin, gin-pahayag ni 3rd Infantry Division public information head Lieutenant Colonel J-Jay Javines nga gina-pasiguro sini nga naga-sunod sila sa ila rules of engagement, sa diin antis sila magpatigayon sang airstrike ukon air assault dapat isa ka kilometro ang kalayu-on nila sa mga residente kag panimalay.*