Opisyal nang inanunsiyo ng Provincial Government ng Isabela na magiging bahagi ng Bambanti Festival ang i-RUN FOR YOUTH CENTER: A 5K Fun Run and Rave Party for a Cause sa ika-22 ng Enero.
Ang halaga na malilikom sa naturang fun run ay ibabahagi sa Isabela Youth Center kung saan magiging sentro ito ng mga kabataan upang makahingi ng tulong at magkaroon ng safe space sa lahat ng Youth leaders sa lalawigan.
Kaugnay nito, hinihikayat ng PGI ang publiko na sumali at makilahok sa 5K Fun Run and Rave Party.
Para makapag-rehistro ay magtungo lamang sa Provincial Capitol, Provincial Youth Development Office, Ground Floor of Queen Isabela Park.
Ang 10,000 runners ay makakatanggap ng libreng dri-fit shirt, holi powder, at snacks.