CEBU –Muabot sa usa ka gatos ka pulis ang gipadala sa Police Regional Office (PRO)-7 sa Probinsiya sa Negros Oriental isip kabahin sa ilang hugot nga pagpangandam sa umaabot nga Barangay ug Sangguniang Kabataan Elections sa Oktobre.
Matud ni Police Lt. Col. Gerard Ace Pelare, tigpamaba ni PRO-7 Regional Director Brigadier General Anthony Aberin nga ang usa ka gatus ka mga polis gikuha gikan sa Regional Mobile Force Battalion.
Ang maong mga pulis idugang sa pwersa sa kapulisan sa maong probinsya nga magbantay sa mga pantalan, border control points ug strategic checkpoints.
Gipasalig hinoon ni Pelare ng ang PRO-7 adunay igong tawo kun pananglitan mangihanglan usab og police personnel ang ubang lugar sa Central Visayas.//