CEBU CITY –Gi-kondinar sa Philippine Dental Association (PDA)- Cebu Chapter ang nahitabong paglugit sa matag sa usa ka dentista sulod mismo sa iyang dental clinic sa barangay Kaputhaw niadtong Huwebes.
Sa -post ni Dr. Adam Alviar, PDA Cebu Chapter Immediate Past President, nga ang ilang grupo, dili mo konsenti sa kriminalidad nga mahitabo sa kalitingban og bisan unsa nga lakang nga moresulta sa kagubot sa palibot.
Giluwatan ni Dr. Alviar ang maong pamahayag human usab sa pag-atake sa duha ka lalaki sa klinika ni Charles Pactol Sia, 41 anyos, niadtong Hulyo 5, diin gilugit niini ang iyang mata nga miresulta sa pagka-angol sa doktor.
Giangkon ni Alviar nga nakurat sila sa maong hitabo og nanawagan og hustisya alang ni Dr. Sia.
Samtang, gitug-an ni Lieutenant Colonel Gerard Ace Pelare, ang tigpamaba ni Police Regional Office (PRO 7), nga giila na ni Dr. Sia ang mga suspek apan sa kasamtangan, gipugngan una ang pagbutyag sa iyang pangan sanglit nagpadayon pa ang imbestigasyon.
Sa kasamtangan, gi-andam na sa Abellana Police Station 2 ang kaso nga ipasaka ngadto sa mga suspek.///