Walang habas na pinagbabaril ang isang 26-anyos na lalaki sa Barangay Mangilag Sur, Candelaria, Quezon nitong Miyerkules, Marso 20.
Ayon sa police report, nakasakay sa motorsiklo noon ang biktima bandang 9:45 ng gabi nang biglang dumating ang dalawang hindi pa nakikilalang suspek saka ito pinagbabaril.
Nagtamo ng mga tama ng bala sa katawan ang biktima na agad binawian ng buhay matapos ang insidente.
Samantala, kasalukuyang nagpapatuloy ang isinasagawang imbestigasyon ng mga awtoridad upang matukoy ang suspek at ang motibo nito sa pamamaril.