Dakpan sa mga otoridad ang usa ka wanted nga indibidwal human sa nag malampusong operasyon sa mga kapulisan ning lungsod sa Trento diha sa may P-3 Barangay Manat, Trento Agusan del Sur niadtong mga nakalabayng mga adlaw.
Bit-Bit sa mga kapulisan ang warrant of arrest sa kasong rape by Sexual Assult under Article 226-A nga dunay Criminal Case Number, 22-721 nga gi-issue niadtong Enero 12, 2022 nga pinirmahan ni Ambrosio N. Moleta ang Acting Presiding Judge sa RTC 10th Judicial Region Branch 55 Trento Agusan del Sur, hinungdan sa pagka sikop sa usa ka “Lorie”, 34-anyos laborer dunay kapuyo nga nanimuyo sa nahisgutang barangay.
Nasayran nga si Lorie usa sa top 4 most wanted sa probinsyal nga level nga dunay gi-recommendang pyansa nga mobalor sa kantidad nga dosentos mil (200,000.00) ka pesos isip bugti sa iyang temporaryong kagawasan.
Human sa pagka sikop sa maong indibidwal gipasabot gilayon kini pinaagi sa iyang tawhanong katungod nga nakalatid sa maong constitution.
Ang maong operasyon ilawom sa pagpanguna ni Police Captain, Zaldy Maestre ang hepe sa Trento MPS. Sa pagkakaron ang maong dinakpan kasamtangang naka kustudiya sa Trento Municipal Police Station alang sa iyang tukmang disposasyon.
