Sa sueod it siyam nga dag on nga pagtrabaho bilang OFW sa nasyung Taiwan, makarun eang segun nakabatyag it tuman nga kahadlok ro sangka Aklanon OFW nga nakabase sa Yunlin, Taiwan.
Raya hay matapos nga umigu ro 7.4 magnitude nga linog sa Hualien, Taiwan, agahun it Abril 3, 2024.
Sa interview it Brigada News FM Kalibo kay Ms. Eva Zolina, tubong Brgy. Guadalupe, Libacao, Aklan, sa CR gid imaw kat makabatyag it mabaskug nga linog ngani insigida imaw nga gumuwa it baeay kung siin, sa unang kahigayunan hay nakabatyag imaw it pagpanic.
Bisan segun nga sa ground floor ro andang ginaistaran hay batyag gihapon nanda ro mabaskug nga pag uyog kung siin nag giltak pa ro andang pader ag gate.
Sa makarun hay back-to-normal eon segun ro mga tawo sa Taiwan maliban eang sa Hualien City nga imaw ro sentro it linog. // ANN DESLENE SALAZAR