Gin-umpisahan eon it Department of Agriculture (DA) ro pag-test it bag-ong bakuna kontra sa African swine fever (ASF).
Base sa pamunuan it DA, raya eon ro pangaywang sahi it bakuna nga gindevelop para mapundo ro nasambit nga sakit sa baboy.
Engkasong magmadinaeag-on ro ikaywang trial, igarekomenda raya it DA para sa massive vaccination sa mga baboy sa masunod nga administrasyon.
Sa pinakaulihing datus it ahensya, ap-at nga probinsya sa nasyun ro may aktibong kaso it ASF, raya hay ro Camarines Norte, Leyte, Southern Leyte ag Northern Samar. / ANN DESLENE SALAZAR