SUBLING gi-ablihan ang gymnasium sa Barangay Bula alang sa National ID System sa taga Philippine Statistics Administration sugod Desyembre 6 tuig 2021.
Subay sa pahibalo gikan sa Barangay Bula sa ilang official social media site ang mga kabataan nga naga-edad og lima hangtud 15 mamahimo nga makapa ID ang kondisyon aduna silay kuyog nga ginikanan o guardian.
Samtang sa naga edad og 16-anyos mamahimo nga wala nay kuyog nga ginikanan.
Samtang sa mga kabataan nga ang gikuyogan ang ilang mga aunte uncle, lola ug lolo kinhanglan adunay sulat nga pagtugot gikan sa ginikanan.
Aduna usab limitasyon sa gidaghanon sa matagad sa taga PSA , kay sa usa ka adlaw lang anaa sa 230 ka mga individual ang ilang makaya atimanon.
Kahibaluan nga ang taga PSA naga tuyok sa managlahi nga mga barangay alang sa National ID system. l Ver Diazon