Uman nga gin reklamo sa Kalibo MPS si Carlo Asturias it sangka panibag-ong babaye matapos nga hueaman it kwarta nga taga-Brgy. Aranas, Balete, Aklan.
Sa report, nakialea ru babaye nga si Mrs. Hazel Teodosio , 39 anyos ag residente it nasambit nga lugar.
Nagpabulig sigun si Mrs. Teodosio kay Carlo Asturias para sa hospital bill ku anang unga nga confine sa sangka pribadong hospital sa balor nga sobra Php 480,000.
Ikara nag-offer si Asturias nga mabuligan nga maka buoe it promisory sa mismong tag-ana it hospital ag kinahangena nga maka tipon anay it Php 50,000.
Naga balor it Php 20,000 tanan ru hatao ni Teodosio kay Aturias nga hasta makaron hay uwa pa kabalik ru kwarta.
Kun matandaan, gin reklamo man si Asturias it sangka babaye nga si Mrs. Remia Salvador, 45 anyos it Brgy. New Buswang, Kalibo, Aklan matapos hueaman it Php 15,000.//MARIVIC Y. ILIN