GIPANGUNAHAN ni PCol. Gilberto Tuzon City Director sa General Santos City Police Office kun GSCPO ang turn-over ceremony, Enero 7 sa hapon, alang sa mga bag-ong station commander sa tulo ka Police station.
Ang kanhing hepe sa Police station nga si PLt. Col. Dennis Madriaga ang gipulihan na karon ni PMajor Patrich Elma, samtang si PMajor Richard Ybañez usab ang bag-ong hepe sa Police station 3.
Anaa na usab bag-ong station commander ang Police station 8 mao si PMajor Joseph Galleto. Nanumpa usab ang mga bag-ong hepe nga himoon nila ang ilang trabaho, ug siguruhon ang seguridad sa lugar nga ginsakupan.
Kini ang usa nga gihimo sa kapulisan aron masiguru ang kaandam ug mamintinar ang kalinaw sa taliabot nga Eleksyon 2022. I Enamie Mogpon