Nasa critical level na ang utilization rate ng intensive care units (ICU) na nakalaan para sa severe cases ng COVID-19 sa Davao City.
Ayon sa latest report ng OCTA Research Group, 91 percent ang ICU utilization rate sa Davao City habang ang hospital bed utilization rate naman ay nasa 67 percent o nasa moderate risk.
Nakapagtala rin ang lungsod ng 482 bagong COVID-19 cases noong Huwebes, pinakamataas simula nang pumutok ang pandemya noong Marso ng nakaraang taon.
Mayroong 26 percent one-week growth rate ang Davao at positivity rate na 14 percent habang 3,000 RT-PCR tests kada araw.
Nakapagtala rin ang mga lungsod ng Tagum, Digos, San Pablo, Cebu, at Baguio ng pagtaas sa bagong COVID-19 cases.// MHEL PACIA-TRINIDAD