Sa presente, uwa pa it nabaton nga report ro Department of Health (DOH) Region 6, halin sa mga health workers nga nagaplano o gusto nga maghiwat it mass resignation ag medical lockdown sa Western Visayas.
Nagpanawagan man si Dr. Bea Camille Natalaray, designated spokesperson it nasambitan nga ahensiya, nga kung may reklamo man o concern ro mga health workers hay pwede nanda raya nga ipaabot sa anda agud mataw-an it solusyon.
Base pa sa ana, mas manami nga maisturyahan ro welfare it tanan nga mga health workers sa maeain-eain nga mga ospital sa Western Visayas agud mataw-an it sabat ro mga concerns ag ginapangayo it mga healthcare workers bangud sanda ro nagapanguna sa pakipagsukoe sa pandemya nga daea it COVID-19./JIL B. LACSON