LEGAZPI CITY – Nagpagiromdom an Department of Trade and Industry (DTI) Bicol sa publiko dapit sa mga tawo na posibleng mag-aprubetsar sa pagkakataon kan price ceiling sa mga bagas nganing makapanloko ki mga konsumer.
Sa irarom kaya kan price ceiling order, nasa tahaw sana kan PHP41 asin PHP45 kada kilo an dapat na presyo kan mga regular asin well-milled rice.
Segun kay DTI Bicol Regional Spokesperson Jocelyn Berango, dai man digdi kaiba an mga premium o branded na bagas kaya igwa man giraray na bagas na haralangkaw an presyo.
Huli kaini, igwa su boot ki posibilidad na an well-milled rice ikategorya kan ibang retailers bilang premium rice nganing makapresyo nin alangkaw.
Kun kaya, kaipuhan magin mapagbantay o magin bigyilante digdi.
Segun pa Berango, sa mga may planong maggibo kaini, bako ini maray asin bako ini an tamang oras na manloko nin kapwa.
Mientrastanto, na-brief naman su boot an mga taga-monitor hale sa DTI dapit digdi asin igwa man sindang kaaraman nganing maaraman kun ano an pinagkaiba kan mga bagas.