LEGAZPI CITY – Kwalipikado an lokal na gobyerno kan Camalig sa Regional Gawad KALASAG o Kalamidad at Sakuna Labanan, Sariling Galing ang Kaligtasan 2023 awards.
Sa paagi ini kan Office of Civil Defense (OCD) – Regional Disaster Risk Reduction and Management Council (RDRRMC) makalihis an saindang manlaen-laen na evaluation para sa disaster risk reduction and management and climate change adaptation.
Kaibahan sa mga pig-assess iyo an istraktura, kakayanan, mga sistema nin pagmamanehar, polisiya, adbokasiya magin an pakikipagtabangan asin pagpartisipar kan LGU nganing maabot an standards kasarabay na an functionality kan Local Disaster Risk Reduction and Management Councils and Offices (LDRRMCOs).
Mientrastanto, an naunambitang banwaan, solamenteng nagkwalipika sa bilog na probinsya kan Albay asin nakasabay sa mga nakakua kan pagbisto.