TAKDANG hisgotan sa pulong sa Local Inter- Agency Task Force on Covid19 (IATF) karong adlawa ang posibleng kabag-ohan sa ipatumang quarantine rules sa GenSan dungan sa subling pagsipa sa kaso sa Covid-19.
Sa impormasyon, lakip sa hisgotan kung ipatuman ba sa siyudad ang “no vaccine, no entry” policy partikular sa non-residents nga ipresenta isip pamatuod nga bakunado sila bag-o mosulod sa dakbayan. Lakip ang posibleng pagpatuman sa polisiya nga pagbitbit og negatibong resulta sa RT-PCR test sa pagsulod sa GenSan sa mga inbound traveler.
Kahibaloan nga gikan sa ubos nga kaso sa virus sa ulahing duha ka bulan atong 2021, mihinay-hinay na og saka ang kaso Covid-19 karong tuiga. Sa ulahing datus sa DOH-12 tracker misaka na sa 123 ang aktibong kaso sa GenSan human nadungagan og 24 new confirmed Covid cases. I Richel Gubalani