ANDAM si Celso Mendoza ang labaw sa Office of the Senior Citizen’s Affairs kun OSCA Gensan sa pagkanaog gikan sa iyang pwesto kung aduna nay mapili nga musunod isip bag-ong labaw nga mupuli kaniya.
Sumala niini Disyembre 31, 2021 nahuman ang iyang termino, apan gilugwayan sa Mayor ang iyang paglingkod hantod sa kasamtangan. Hantod wala pay napili nga bag-o, magpabilin pa siya sa opisina sa OSCA ug maghulat sa resulta sa nominasyon nga himoon karong Enero 20 alang sa mag-representa sa tanang Senior Citizen.
Padayon kini nga mosuporta sa kalihokan bisan paman kung mahawa na siya sa pwesto. Gidugang ni Mendoza nga kung kinsa man ang mamahimong mohulip kaniya, ipadayon ang nasugdan nga mga programa alang sa tanang katigulangan. I Enamie Mogpon