Mokabat sa 5,245 ka job openings ang paaboton sa mga nangita’g trabaho sa umaabot nga usa ka adlaw nga job fairs, nga dungan nga ipahigayon sa Cebu City ug Dumaguete City karong Hunyo 12, 2023.
Ang Department of Labor and Employment in Central Visayas (DOLE 7) nipahibawo nga ang job fairs, nga gitawag og “Kalayaan Job Fair,” ipahigayon isip pag-selebrar sa ika-125 nga Independence Day.
Gikompirmar sa DOLE 7 nga 30 na ka mga employer ang nagparehistro nga mosalmot sa job fair nga ipahigayon sa Mountain Wing Atrium sa SM Seaside City Cebu.
Base sa kasamtangang talaan, ang nag-unang mga posisyon nga gitanyag sa mga employer sa dakbayan sa Sugbo mao ang healthcare associates, retail associates ug service crew, diin adunay 200 ka bakanteng posisyon matag usa.////