TAKDANG makigpulong ang labaw sa kapulisan sa Soccsksargen region sa nagkadaiyang grupo aron masiguro nga hugot mapatuman ang seguridad alang sa taliabot nga Barangay ug Sangguniang Kabataan Election (BSKE) sa Oktubre 30, 2023.
Matud ni Police Brig. Gen. Jimili Macaraeg, regional director sa Police Regional Office (PRO) 12, kini ang kabahin sa mugnaon nga contingency plans sama sa deployment sa kapulisan sa mga polling precincts ug pagpatrolya sa mga barangay samtang nagpaduol ang eleksyon.
Samtang usa sa mandu mao ang pagbungkag sa gitawag nga Private Armed Groups o PAGS apan base sa ‘validation’ sa rehiyon gikan atong nakalabay’ng eleksyon wala na’y nabantayan nga presensiya sa mga nasangpit, dugang ni Macaraeg.
Luyo niini, gibantayan gihapon ang posibleng pagmugna subli sa pags aron dili magamit ang armed groups alang sa eleksyon sa oktubre. Ang rehiyon-12, ang dunay naa sa 1,095 kinatibuk-ang barangay nga dunay milyon katao nga gilaomang mobotar sa BSKE. I Richel Gubalani