Dinakip ng mga residente ang isang lalaki na umanoy pumasok sa bakuran ng isang bahay sa Brgy. Poblacion District 2, Brooke’s Point, Palawan, kagabi.
Ito ay bigla umanong tumakbo nang makita ng mga tao roon na pumasok sa ibang bakuran kaya nila hinabol.
Hinala nila na magnanakaw ang lalaki kaya isinuko nila ito sa pulisya.
Depensa ng suspek, wala naman daw siyang kukunin sa pinasok na bahay.
Samantala, nakalaya rin ang hindi na pinangalanang lalaki dahil hindi na nagsampa ng reklamo ang may-ari ng bahay.