LEGAZPI CITY – Posibleng lagan ki oras kan lokal na gobyerno nin Guinobatan, Albay an mga quarry operation sa banwaan nganing dai na makaistorbo pa sa nagkapirang mag residente.
Sa intrevista kan Brigada News FM Legazpi kay Sangguniang Bayan Committee Chairman on Agriculture and Environment Councilor July Tingzon, sinabi niya na may mga dakol na mga residente sa banwaan an nagreklamo sa ribok na dara kan mga nag-aaraging truck sa oras na matanga nin banggi.
Mapaapod su boot sinda ki committee hearing bilang parte kan aksyon sa problemang ini, kun sain suhestiyon ninda na gibuhong 6AM-6PM an oras kan operasyon.
Mientrastanto, segun kay Tingzon, saro pa sa nahiling nindang problema, wara na ki task force na nagbabantay sa quarry areas pag matanga asin maagahon kaya dakol na mga quarry operators an nakakalusot.