Hindi kuntento si Pangulong Rodrigo Duterte sa takbo ng vaccination drive ng bansa.
Ito ay sa kabila na nahigitan ng pamahalaan ang 55-million jabs na target sa buwan ng Oktubre.
Sa kanyang televised talk to the nation address ngayong umaga, sinabi ni Pangulong Duterte na ipinag-utos niya kay DILG Sec. Eduardo Año na panagutin ang mga LGUs at local chief executives na nagkakaroon ng mabagal na COVID-19 vaccination drive sa kanilang nasasakupan.
Paliwanag pa ng Pangulo lagi din niyang pina-aalalahanan ang lahat ng mga ahensiya ng pamahalaan na bilisan ang vaccination effort upang maabot ng Pilipinas ang target nitong makapagturok ng 1-milllion doses ng COVID-19 vaccines kada araw o higit pa.