Laumang dagsaon sa liboan ka mga job seekers ang ipahigayong SM City Butuan Job Fair sa mismong Event Center sa nasangpit nga mall ugmang adlawa, Huwebes, Pebrero 22, 2024.
Tungod niini, kapin libo ka mga bakanteng trabaho ang mahimong ma-aplayan sa mga nangita ug trabaho kansang oportunidad gitanyag sa 18 ka mga local nga kompanya.
Paluyohan sa SM City Butuan, Rotary District 3860, Department of Labor and Employment, ug City Government of Butuan ang maong kalihokan.
Gitambagan usab sa City Employment Service Department Butuan ang tanang job seekers nga magdala nang daan sa updated resume ug application letter aron duna kini ikapasa ngadto sa employer.
Subay niini, ang kalihokan hugot nga gisuportahan sa Brigada News FM Butuan isip aktibong media partner sa SM City Butuan tungod usab sa makanunayon nga pagsuporta sa mga kalihokan sa sibyahan labi na sa Bloodletting Campaign sa sibyahan, “Dugo Para sa KaBrigada.”