Ro banwa it Malay ro kauna-unahan sa probinsya it Aklan nga nakatukod it Balay Silangan Reformation Center nga makita sa Barangay Balusbos, Malay, Aklan ag nakapag-produce eon it 3rd batch of graduates.
Ro 12 surrenderers hay nakakumpleto eon ku andang tatlong buean nga rehabilitasyon sa Balay Silangan Reformation Center ag nakapag martsa sanda sa andang graduation ceremony ku, September 22 ag bugae nanda nga ginbatun ro andang mga certificate.
Ro mga nagtapos hay ginaeakipan it daywa ka benepisyaryo it plea-bargaining deal it gobyerno ag 10 drug-surrenderers nga na-classify bilang Pushers.
Sa sueod it tatlong buean, nagpaidaeum sa komprehensibong rehabilitasyon ro mga surrenderers sa Balay Silangan.
Kaeakip sa mga serbisyo ro psychological, spiritual, ag physical activities kaparehu it counseling, moral recovery, values formation, personal and life skills, ag acquired competencies halin sa Technical Education and Skills Development Authority.
Gintun-an man sanda it nagkasari-sari nga pangabuhian ag oportunidad sa trabaho.
Suno sa sambilog sa mga graduates, ro Balay Silangan hay nakabulig kanda nga bag-uhon ro andang mga panan-awan sa kabuhi. / ANN DESLENE SALAZAR