THAT’S unfair, kini ang tubag sa pila ka mga empleyado sa CSWDO human nga gitawag ni Kagawad Nunez nga toxic ang maong departamento sa LGU Gensan.
Segon sa dili magpaila nga empleyado, ‘naga trabaho baya mi, infact may mga award man gani mi nga nadawat.’
Hinuon gipasalig niini nga bisan pa sa kontrobersya karon nga gikalambigitan sa maong departamento ilabi na ang appointment ni Genelyn Vidanes ilang ginapaningkamotan nga dili maapektuhan ang ilang trabaho ilabi na ang paghatag og serbisyu ngadto sa mga katawhan sa dakbayan.
Apan giangkon niini nga sukad sa mi-retiro si Becky Magante nagkatibulaag na gyud sila kay kon buot huna-hunaon kaniadtong naa pa sa pwesto si Magante intact ang tanan o han-ay ang tanan nindot ang ambiance sa maong departamento.
Kahinumdoman nga dili ikalilong nga daghan og award nga nadawat ang CSWDO una pa mi-retiro si Magante. I Danny Casi